[VIDEO] Vjedhje në Los Anxhelos: hajdutët maskohen si zjarrfikës për të hyrë në shtëpi të braktisura

Policia ka arrestuar një numër të madh hajdutësh të veshur si zjarrfikës, të cilët hynë në shtëpi të braktisura në Los Anxhelos, ku rreth 35.000 shtëpi dhe biznese janë ende pa energji elektrike për shkak të zjarreve shkatërruese.

Zjarret kanë dëmtuar linjat e transmetimit në të gjithë Kaliforninë, raporton “Sky News”. Ndërkohë, erërat e forta kontribuojnë në përhapjen e shpejtë të zjarrit dhe pengojnë punën e avionëve për shuarjen e zjarrit.

Një nga problemet më të mëdha me të cilat përballet i gjithë rajoni është hajdutëria në shtëpitë e braktisura. Janë regjistruar një numër i madh rastesh të vjedhjeve, dhe disa nga hajdutët janë veshur si zjarrfikës për të hyrë më lehtë në prona të huaja.

Zëdhënësi i departamentit të policisë në Los Anxhelos tha se shumë persona janë arrestuar.

• Kemi arrestuar dy persona që janë prezantuar si zjarrfikës dhe që kanë hyrë në shtëpi të braktisura për të kryer grabitje – deklaroi ai.

Sipas informacioneve të deritanishme, zjarret që filluan të përhapen më 7 janar kanë shkaktuar 16 viktima dhe më shumë se 150.000 persona janë evakuuar.