Edinburgu, qyteti i parë në Skoci që do të vendosë taksë për turizmin, akomodimi do të bëhet më i shtrenjtë për turistët

Edinburgu do të bëhet qyteti i parë në Skoci që do të vendosë taksë për turizmin, pasi qeveria skoceze u ka mundësuar autoriteteve lokale të vendosin këso taksa.

Këshilli i qytetit të Edinburgut miratoi propozimin për “Taksa për vizitorët e përkohshëm”, e cila do të hyjë në fuqi në vitin 2026. Taksa do të jetë 5% e çmimit të akomodimit, dhe pritet të sjellë deri në 50 milionë funte çdo vit për përmirësimin e qytetit. Megjithatë, disa operatorë turistikë janë të shqetësuar se kjo mund të i pengojë turistët.

Taksa do të vlejë për hotelet, pensiones, hostelë dhe akomodime të Airbnb, me kufizim prej shtatë netëve të njëpasnjëshme. Ajo do të hyjë në fuqi më 24 korrik 2026, me një periudhë kaluese për adaptim.

Të ardhurat e mbledhura do të investohen në infrastrukturë, shtëpi të arritshme, kulturë, aktivitete dhe menaxhimin e destinacioneve.

Pavarësisht shqetësimeve se kjo mund ta bëjë Edinburgun më pak konkurrues, lideri i këshillit të qytetit deklaroi se disa funte nuk do t’i ndalojnë turistët.