Drejtori i QT Kodra e Diellit, Gani Alija mirëpriti ambasadorin e Austrisë, z.Martin Pammer
Sot pata nderin të pres në një takim të veçantë Ambasadorin e Austrisë në vendin tonë, Shkëlqësinë e tij, z.Martin Pammer, i cili na nderoi me vizitën e tij në Qendrën e Skijimit “Kodra e Diellit”.
Ditë e mrekullueshme, bisedë e këndshme dhe kënaqësi e vërtetë e atmosferës së jashtëzakonshme që ofron ky destinacion i shkëlqyer për sportet dimërore.
Gjatë këtij takimi, e njoftova Ambasadorin Pammer me kushtet ideale që ofron qendra jonë për skijim, duke përfshirë pistat e mirëmbajtura ne përputhje me standardet më të larta dhe ski-ashensorët që janë të gjitha në funksion.
Njëkohësisht, Ambasadori Pammer shprehu interes për mundësitë e investimeve në këtë fushë dhe diskutuam mundësitë për zhvillimin e mëtejshëm të infrastrukturës, me qëllim që të rrisim kapacitetin dhe të përmirësojmë përvojën e vizitorëve, si dhe të pozicionojmë këtë destinacion si një nga më të mirët në rajon.
