Haaland e vazhdoi kontratën deri në vitin 2034: Një nga kontratat më të pasura në historinë e sportit

Erling Haaland nënshkroi vazhdimin e kontratës me Manchester City, duke u angazhuar të qëndrojë për nëntë vite e gjysmë të ardhshme, deri në verën e vitit 2034. Këtë e raportojnë insajderët dhe mediat angleze, duke shtuar se me vazhdimin e kontratës janë shlyer të gjitha klauzolat e mëparshme të dakorduara dhe se kontrata e re është një nga më të pasurat në historinë e sportit.

Nuk janë dhënë shifra të sakta, por disa media angleze shkruajnë se ai do të bëhet lojtari më i paguar në Premier Ligë me një pagë javore prej 500,000 £ (rreth 600,000 euro). Thuhet se kjo do të thotë se ai do të fitojë 247 milionë £ ose rreth 292 milionë euro. Gjithashtu, klubi ka një klauzolë që thotë se ai nuk mund të largohet para vitit 2029, dhe më pas mund të largohet vetëm nëse dikush paguan një shumë të madhe në llogarinë e City-t.