Në Kroaci filloi një bojkot njëjavësh i marketeve Konzum

Sot, në Kroaci ka filluar një bojkot njëjavësh i zinxhirit të dyqaneve Konzum, pas bojkotit të tretë të premten radhazi të organizuar nga qytetarët e pakënaqur me çmimet.

Organizatori i protestës, platforma e konsumatorëve “Alo, inspektor”, u ofroi qytetarëve një anketë, dhe Konzum u shpall si marketi i parë që duhet të bojkotohet për një javë.

Siç njoftoi Televizioni Kombëtar Kroat (HRT), bojkoti i djeshëm ishte më i dobët se aksionet e tjera të premteve të mëparshme. Drejtoria e Tatimeve publikoi sot të dhënat përfundimtare të bojkotit njëditor të djeshëm, i cili u mbajt për të tretën herë radhazi të premten, sipas të cilave konsumatorët blenë më shumë se gjatë ditëve të tjera të protestës.