“Vajza e Getoar Selimit dhe Marina Vjollcës uron Pavarësinë e Kosovës me një vizatim të veçantë”
Me rastin e 17 Shkurtit, festës së Pavarësisë së Kosovës, vogëlushja e çiftit të njohur Getoar Selimi (Ghetto Geasy) dhe Marina Vjollca, Marget, ka përcjellë urimin e saj në mënyrën më të ëmbël të mundshme. Në një postim të publikuar në rrjetet sociale, shihet se ajo po ngjyros flamurin e Kosovës me shumë përkushtim.
Në foto, Marget shfaqet e fokusuar teksa vizaton dhe ngjyros yjet dhe hartën e flamurit. Kjo pamje e këndshme tregon jo vetëm dashurinë e familjes për atdheun, por edhe mënyrën e bukur se si fëmijët mund të angazhohen në festa të rëndësishme kombëtare.
Getoari, i njohur për projektet e shumta muzikore, dhe Marina, një nga moderatoret më të dashura për publikun, e kanë ndarë këtë moment me ndjekësit e tyre, duke shprehur krenarinë për vajzën e vogël dhe për Kosovën në këtë ditë të veçantë.
