Ancelotti: Fishkëllimat nga “Bernabeu” nënkuptojnë vetëm një gjë
Real Madrid luajti ndeshjen e parë në shtëpi pas fiaskos së Superkupës në Xheda, një turne ku “klubi mbretëror” pësoi një humbje të rëndë dhe të dhimbshme nga Barcelona.
Mësimi futbollistik i shprehur me rezultatin 5:2 ndikoi edhe në fillimin e ndeshjes me Celta Vigo në Kupë, pasi tifozët e Realit shfaqën pakënaqësinë e tyre përmes fishkëllimave ndaj Aurélien Tchouaméni, por nuk u kursye as trajneri Carlo Ancelotti.
Mesfushori francez u fishkëllua çdo herë që prekte topin dhe duhet pranuar se Tchouaméni u përballua mjaft mirë me një presion të tillë, kështu që Don Carlo pati një koment për gjithë këtë situatë pas fitores së vështirë me rezultatin 5:2.
– Fishkëllimat nga “Bernabeu” nënkuptojnë vetëm një gjë. Fishkëllimat janë një paralajmërim, por për mua është një paralajmërim i pranueshëm pas ndeshjes që luajtëm kundër Barcelonës.
– Pavarësisht fishkëllimave, Tchouaméni tregoi karakter dhe luajti shkëlqyeshëm për ekipin në pozicionin e tij natyral. Ne morëm fishkëllima si një shenjë paralajmërimi, por kur tifozët na duheshin në fushë, “Bernabeu” bëri përsëri presion dhe u tregua në dritën e vërtetë. Gjithmonë është speciale të luash kur “Bernabeu” bën presionin e duhur, – deklaroi Ancelotti.
