Barcelona ka njoftuar një lajm të gëzuar për të gjithë tifozët e saj

Barcelona u shpreh optimist se skuadra do të mund të luajë sërish në stadiumin e tyre Camp Nou, i cili aktualisht është duke u rinovuar dhe shtuar në kapacitet, para fundit të këtij viti. Këtë e ka konfirmuar zëdhënësja e klubit, Elena Fort.

Ajo siguroi se Barcelona po punon në mënyrë aktive për t’u kthyer në Camp Nou deri në fund të vitit 2024.

Kapaciteti i stadiumit në fillim do të jetë vetëm 62 mijë vende, por pas përfundimit të rikonstruksionit, i cili është planifikuar për verën e vitit 2026, kapaciteti do të arrijë në 105 mijë vende. Gjithashtu, deri në atë periudhë do të përfundojë plotësisht edhe çatia e re e objektit legjendar sportiv.

Tifozët e Barcelonës do të jenë në gjendje të regjistrohen për bileta gjashtëmujore të abonimit për gjysmën e dytë të sezonit dhe menaxhmenti i klubit beson se nuk ka asnjë arsye pse drejtuesit e ligës të mos kthehen në stadiumin e tyre në fillim të vitit 2025.

Rinovimi i stadiumit, i cili tashmë do të mbajë emrin Spotify Camp Nou, filloi në qershor 2023 pasi u nënshkrua një marrëveshje sponsorizimi me gjigantin e transmetimit të muzikës Spotify.

Megjithatë, rindërtimi u vonua nga disa leje administrative dhe ankesa nga punëtorët për kushtet e punës, të cilat e detyruan Barcelonën të zgjaste kontratën me bashkinë për të përdorur stadiumin Olimpik Montjuic deri më 31 mars 2025.

Skuadra aktualisht luan ndeshjet e saj në shtëpi në Montjuic, i cili ka një kapacitet prej rreth 50,000 spektatorësh.