Forumi Politik Shqiptar për Iliridë (FPSHI) ka deklaruar sot se diaspora shqiptare do të mbështesë unanimisht kandidatin e koalicionit VLEN, Feti Abazi, në raundin e dytë të zgjedhjeve lokale në Komunën e Bogovinës.
Lajmi u bë i ditur nga kryetari i FPSHI-së, Dr. Nehat Sadiku, i cili theksoi se vendimi u mor pas një mbledhjeje të mbajtur më 22 tetor në Bled, Slloveni, me pjesëmarrjen e rreth 85 anëtarëve të Këshillit Politik.
Në raundin e parë të zgjedhjeve, të mbajtur më 19 tetor 2025, asnjë kandidat nuk siguroi shumicën e votave. Rezultatet u mbyllën me një diferencë minimale:
-
Feti Abazi (VLEN) – 46,9%
-
Besnik Emshi (AKI) – 46,2%
-
Kandidatët e tjerë – 6,9%
Sadiku theksoi se mbështetja e diasporës për Abazin në raundin e dytë, i cili do të zhvillohet më 2 nëntor 2025, është një vendim përfundimtar dhe do të zbatohet në të gjitha strukturat e FPSHI-së në Evropë dhe SHBA.
Situata politike: garë e ngushtë dhe polarizim
FPSHI vlerëson se Bogovina po përballet me një ndasi të thellë politike, ndërsa rezultati i raundit të parë tregon një polarizim të fortë mes votuesve. Sipas tyre, mbështetja e diasporës shihet si faktor kyç për të sjellë një drejtim të ri, më stabil dhe me vizion zhvillimor për komunën.
“Forumi inkurajon të gjithë aktorët politikë që të respektojnë procesin demokratik dhe të garantojnë zgjedhje të drejta, të ndershme dhe transparente”, përfundon kumtesa.
