Fundi i sezonit për mbrojtësin më të mirë të Juventusit
Ai u largua nga fusha me ndihmën e një fizioterapeuti
Mbrojtësi më i mirë i Juventusit, Gleeson Bremer (27) e mbylli sezonin për shkak të këputjes së ligamenteve të kryqëzuara. Braziliani u lëndua në fitoren e djeshme 3:2 të Juventusit ndaj Leipzig në kuadër të xhiros së dytë të Champions League, në minutën e gjashtë.
Ai u largua nga fusha me ndihmën e një fizioterapeuti dhe pas ekzaminimeve të sotme u konstatua se i lënduar ishte edhe menisku i tij.
Bremer mbërriti te Juventusi në verën e vitit 2022 nga Torino për 46.9 milionë euro dhe u vendos menjëherë si një nga lojtarët më të mirë të Juventusit.
Ai bëri tetë paraqitje këtë sezon, duke luajtur gjithsej 637 minuta. Sipas “Transfermarkt”, ai kap vlerën e 60 milionë eurove.
