Informacion për realizimin e një prej perlave të artit të baletit “Esmeralda” nga Çezare Punji më 19 shkurt ora 20:00
Njoftim për publikun: Informacion për realizimin e një prej perlave të artit të baletit “Esmeralda” nga Çezare Punji më 19 shkurt ora 20:00
Të nderuar,
Një nga perlat e artit klasik të baletit, “Esmeralda” e kompozitorit italian Çezare Punji, do të shfaqet në skenën e Operës dhe Baletit Nacional më 19 shkurt, me fillim nga ora 20:00.
Historia e bukuroshes Esmeralda, e frymëzuar nga romani “Katedralja e Parisit” nga Viktor Hygo, do të interpretohet nën dirigjimin e të ftuarit nga Armenia, Eduard Ambarcumjan, me koreografi të koreografit të njohur rus, Mihaill Krapivin, skenografia dhe kostumet luksoze janë vepër e Zhivojin Trajanoviqit dhe Lupka Ristovskës. Mjeshtër koncerti është Jane Bakevski.
Rolin kryesor do ta luaj balerina e parë, Maria Kiçevska Shokarovska, në rolin e Febit do të luajë Francisco Himenez Ruiz (Spanjë), rolin e Fler de Lisit do ta luajë Simona Kolishtrkoska, kurse rolin e Gudulës do ta luajë Sasha Evtimova, e cila këtë vit shënon 25 vjetorin e veprimtarisë artistike si balerinë e shquar, pedagoge dhe koreografe.
Interpretojnë solistët, ansambli i baletit dhe orkestra e Operës dhe Baletit Nacional.
Baleti “Esmeralda”, i njohur për kompleksitetin e tij teknik, hulumton thellësitë e emocioneve njerëzore, duke ofruar në të njëjtën kohë shfaqje spektakolare kërcimi që tërheqin vëmendjen e publikut. Kjo shfaqje krijon përvojë të paharrueshme baleti duke i nxitur shikuesit të reflektojnë mbi fatin, dashurinë dhe sakrificat që sjell jeta.
Me respekt,
Marketingu dhe marrëdhëniet me publikun, Opera dhe Baleti Nacional
