INTERVISTA | Tamba: Bashkohem me ekipin më të mirë të kampionatit
Senegalezi 21 vjeçar pasi kaloi me sukses ekzaminimet mjekësore dhe firmosi kontratën 3,5 vjeçare me Shkëndijën, ka folur për herë të parë si lojtar i kuqezinjëve. Fabrice Tamba beson se ka bërë zgjedhjen e duhur dhe me Shkëndijën do të realizojë objektivat e drejtuesve që padyshim lidhen me titullin kampion.
…ndjenja pas firmës…
Fabrice Tamba: “Ndjehem shumë i lumtur, sepse mendoj se i bashkohem ekipit më të mirë të kampionatit dhe sigurisht unë jamë shumë i lumtur të jem këtu.”
…dita e parë në Tetovë…
Fabrice Tamba: “Ditë e ngarkuar, sigurisht. Unë vërtet dëshiroja të bashkohem me ekipin sa më shpejtë që ishte e mundur. Kështu që unë jam i lumtur që do t’i shoh ata sonte.”
…oferta…
Fabrice Tamba: “Mirë, fillimisht ishte befasi. Në fillim unë nuk e dija se do të luaj për këtë ekip. Kam luajtur kundër Shkëndijës, mendoj ishte në fillim të sezonit, ishte ndeshje e vështirë, dolëm barazim 1:1. Por, sigruisht unë pashë vërtet cilësi të mirë. Patjetër se kur kam dëgjuar se ky ekip më dëshiron mua, isha shumë i lumtur sepse unë vërtet dua të luaj për këtë skuadër.”
…historia e Shkëndijës…
Fabrice Tamba: “Mirë, vërtet nuk e di storjen e plotë, por sigurisht se do të tentoj të mësoj sa më shumë që do të mundem. E di se është ekip i madh, ambice të mëdha, edhe presion i madh. Por e di se ekipi dëshiron të jetë kampion, të fitojmë ligën sigurisht. Mendoj tani jemi në krye të renditjes dhe e di se jam këtu për atë. Jam këtu të ndihmoj ekipin sa më shumë që do të jetë e mundur, të ndihmoj ekipin të realizojë ambiciet. Mirë, mendoj se ne do t’ia dalim.”
…realizojmë objektivat…
Fabrice Tamba: “Unë vërtet mendoj, vërtet besoj. Ju thash juve se kam luajtur kundër kësaj skuadre, është skuadra ime tani. Unë e kam parë ekipin duke luajtur. Sigurisht është skuadër shumë e mirë, me cilësi të mirë, me lojtarë të mirë. Kemi të gjitha për të fituar ligën dhe sigurisht se unë besoj në veten time. Mendoj se mund të jap më shumë dhe të dalim kampion duket e mundur 100%.”
…Shkëndija më e fortë me ty, apo…
Fabrice Tamba: “E para unë mendoj se unë do të bëhem lojtar më i mirë në Shkëndijë, sepse si që ju thash ka lojtarë shumë, shumë të mirë këtu. Mendoj se nëse do të vazhdoj të stërvitem me ta, të luaj me ta, niveli im sigurisht se do të bëhet më i mirë. E di se nëse unë do të jem mirë në kokë gjithashtu, në fushë e di se mund të jap shumë për ekipin.”
…përshtypjet nga dita e parë…
Fabrice Tamba: “Këtu gjithçka është shumë profesionale. Gjëja e parë që më ra në sy kur erdha këtu, shumë profesionalizëm, ekip shumë i organizuar, njerëz shumë të mirë. Ju thash juve, vërtet mendoj se kam bërë zgjidhje të mirë.”
…premtimi…
Fabrice Tamba: “E para, sjellje e mirë. Sigurisht unë do të jap më të mirën në fushë, do ta mbys veten në fushë. Si që thash kur po vija, ekipi është në krye të renditjes, nuk do të dëshpëroj veten që ekipi të zbresë më poshtë. Unë dua ekipin të vazhdojë të qëndrojë në krye të renditjes. Patjetër ne do të arrijmë objektivin, të shkojmë në Champions.”
…numri i fanellës…
Fabrice Tamba: “29. Ky nuk është numri im, por… Numri im është 7, por e dini kush e mban atë.”
…e njihni Ibraimin…
Fabrice Tamba: “Kam luajtur kundër tij, por personalisht nuk e njoh. E kam takuar por s’njihemi akoma. Por njoftohemi sonte.”
…din për arritjet e tij…
Fabrice Tamba: “Lojtar i madh. Edhe para se njerëzit të më kishin folur mua për atë, e kam parë duke luajtur, kam luajtur kundër tij dhe sigurisht i thoja vetes, po, ky është futbollist shumë i mirë.”
…bashkëlojtar me Ibraimin…
Fabrice Tamba: “Jam krenar, shumë krenar. Jam i ri dhe të luaj me lojtar si ai sigurisht është një privilegj. Jam shumë krenar.”
