James O’Brien, ndihmës i sekretarit amerikan të shtetit për çështje evropiane dhe euroaziatike, përmes një kumtese në rrjetin social X, uroi përzgjedhjen e gruas së parë për presidente të RMV-së, Gordana Siljanovska-Davkova.
O’Brien shpreson që në të ardhmen të vazhdojë bashkëpunimin me Siljanovskën, përcjell Nistori.
“Urime për Gordana Siljanovska Davkovën, deri më tani gruaja e parë presidente e RMV-së. Si aleatë, partnerë dhe miq me Maqedoninë e Veriut, me padurim presim të punojmë në reforma të rëndësishme dhe qëllime të përbashkëta në rrugën drejt integrimit euroatlantik”, ka shkruar O’Brien.
Fitoren e Siljanovskës paraprakisht e ka uruar edhe ambasadorja amerikane në Shkup, Angela Aggeler.
