Saturday, May 18, 2024
spot_img

Japonia ka nëntë milionë shtëpi të lira – Kjo po llogaritet si problem për shtetin aziatik

Numri i shtëpive të lira në shtetin japonez është rritur në një rekord prej nëntë milionë – më shumë se e mjaftueshme për çdo person në qytetin e New Yorkut – ndërsa shteti aziatik vazhdon të luftojë me zvogëlimin e numrit të popullsisë.

Shtëpitë e braktisura njihen në Japoni si “akiya” – një term që zakonisht i referohet shtëpive të braktisura të banimit të strehuara në zonat rurale, raporton cnn.

Por, më shumë ‘akiya’ po shihen në qytetet kryesore, si Tokio dhe Kioto, dhe ky është një problem për një qeveri që tashmë po përballet me një popullsi të plakur dhe një rënie alarmante të numrit të fëmijëve të lindur çdo vit.

“Kjo është një simptomë e rënies së popullsisë së Japonisë”, tha Jeffrey Hall, pedagog në Universitetin Kanda të Studimeve Ndërkombëtare në Chiba. “Nuk është në të vërtetë një problem i ndërtimit të shumë shtëpive”, por “një problem i mungesës së njerëzve të mjaftueshëm”, tha ai.

Sipas shifrave të përpiluara nga Ministria e Punëve të Brendshme dhe Komunikimeve, 14 për qind e të gjitha pronave të banimit janë të lira.

Numrat përfshijnë shtëpitë e dyta dhe ato të mbetura bosh për arsye të tjera, duke përfshirë pronat e lira përkohësisht ndërsa pronarët e tyre punojnë jashtë shtetit.

‘Akiya’ shpesh përcillet nëpër breza. Por me rënien e shkallës së lindshmërisë në Japoni, shumë prej tyre kanë mbetur pa trashëgimtar ose janë trashëguar nga brezat e rinj që janë zhvendosur në qytete dhe shohin pak vlerë në kthimin në zonat rurale.

Popullsia e Japonisë ka qenë në rënie prej disa vitesh – në numërimin e fundit në vitin 2022, popullsia ishte zvogëluar me më shumë se 800 mijë që nga viti i kaluar, në 125.4 milionë.

Në vitin 2023, numri i lindjeve të reja ra për të tetin vit radhazi, duke arritur një rekord.

Norma e lindjeve në Japoni ka lëvizur rreth 1.3 për vite me radhë, larg nga 2.1 e nevojshme për të mbajtur një popullsi të qëndrueshme, dhe vetëm javën e kaluar Ministria e Punëve të Brendshme dhe Komunikimeve të Japonisë tha se numri i fëmijëve nën moshën 15 vjeçare kishte rënë për të 43-in vit radhazi.

TE NDRYSHME

Stay Connected

0FansLike
0FollowersFollow
- Advertisement -spot_img

TE FUNDIT