Jude Bellingham, mund të përballet me një pezullim të rëndë deri në 12 ndeshje

Mesfushori i Real Madridit, Jude Bellingham, mund të përballet me një pezullim të rëndë deri në 12 ndeshje pas një incidenti gjatë përballjes kundër Osasunës. Raportet tregojnë se ai dyshohet se ka bërë një koment të papërshtatshëm ndaj gjyqtarit, gjë që mund t’i sjellë një dënim të ashpër nga autoritetet e futbollit spanjoll. Një pezullim i tillë do të ishte një goditje e madhe për Real Madridin, veçanërisht në këtë fazë vendimtare të sezonit.

Bellingham, i cili ka qenë një nga lojtarët kyç të “Los Blancos” këtë sezon, rrezikon të humbasë disa ndeshje të rëndësishme në La Liga dhe Champions League. Klubi ende nuk ka reaguar zyrtarisht, por pritet të mbrojë lojtarin e tij dhe të apelojë çdo vendim të mundshëm disiplinor. Tifozët madrilenë shpresojnë që situata të zgjidhet sa më shpejt dhe ylli i tyre të rikthehet në fushë pa një pezullim afatgjatë.