Kallëzime penale janë ngritur kundër Festim Halili dhe Kosta Petrov, ish-drejtorët e Fondit për Inovacione, nën dyshimin për keqpërdorim të pozitës zyrtare dhe autorizimeve

Kundër një ish-drejtori të Fondit për Inovacion dhe Zhvillim Teknologjik është ngritur një kallëzim penal për një projekt të pabërë nga kompania Hoyo Tek nga Struga. Bëhet fjalë për projektin të quajtur “Green Hoyo”, i financuar nga Fondi për Inovacion dhe Zhvillim Teknologjik (FITR). Projekti kishte për qëllim mbledhjen e të dhënave përmes pajisjeve IoT për të përdorur zgjidhjen për shtëpi të mençura për të bërë zyrën/shtëpinë/apartamentin më energjetikisht efikas.

Ekziston dyshim i arsyeshëm se Fondi është dëmtuar me 4.000.000 denarë, pasi është kryer “keqpërdorim i pozitës zyrtare” nga ana e një ish-drejtori, Festim Halili. Edhe pse përdoruesi nuk i ka përmbushur detyrimet e kontratës dhe rregullave, Halili nuk e ka shkëputur kontratën dhe pagesat janë bërë në disa këste. Për përdoruesin Hoyo Tek dhe personin përgjegjës Dashmir Istrefi ekziston dyshim për kryerjen e veprës penale “mashtërsi”. Personi përgjegjës ka paraqitur fatura për shpenzimet që mbulojnë fondet e marra, për t’i korrigjuar më pas pas kërkesës së një auditori të autorizuar – si shpenzime për qira dhe të ngjashme, me qëllim për të mashtruar Fondin dhe për të fituar dobi pasurore prej 4.000.000 denarë.

Nga provat e gjetura deri tani, ekziston dyshim se nga fillimi i projektit ka pasur bashkëpunim të brendshëm mes një personi udhëheqës dhe personave të punësuar në FITR dhe përdoruesit që ka marrë grante prej 4.000.000 denarë, dhe hetimi i mëtejshëm mund të vërtetojë dyshime të tjera për vepra të tjera.

Përmes auditimit të punës së FITR, ka dalë një tjetër kallëzim penal kundër një ish-drejtori tjetër të Fondit, Kosta Petrov, për një projekt të papërfunduar të financuar nga FITR për kompaninë Frotrika AD Delçevë. Ky projekt është paguar, por pa reagim të duhur nga drejtuesit e FITR.

Po ashtu, është ngritur një kallëzim penal për një projekt të financuar nga FITR që lidhet me një recetë pizze 2.000 vjeçare – “Sekreti i Romakëve Pinsa Romana”. Ky projekt ka kaluar fazat e selektimit dhe është miratuar për financim, por ka pasur gjithashtu dyshime për paraqitjen e faturave të papërshtatshme për mbulimin e granteve.