Kempes për Messin: Ai është tre herë më i lumtur në Inter Miami sesa në Barcelonë…
Vitin e kaluar, Lionel Messi hapi një kapitull të ri në karrierën e tij dhe u transferua në Shtetet e Bashkuara të Amerikës, ku është pjesë e skuadrës së Inter Miami.
Ai tashmë ka fituar disa trofe me klubin nga Florida, synimet dhe ambiciet janë të rrisë atë koleksion, por do të duhet të presë një mundësi tjetër duke pasur parasysh se ekipi i tij u eliminua së fundmi në play-off nga Atlanta.
Megjithatë, është më se e qartë se ndikimi i Messit në futbollin në këtë pjesë të botës është i madh, ndaj sipas legjendarit Mario Kempes, bashkëkombasi i tij është shumë më i lumtur duke luajtur për Inter Miami sesa për Barcelonën.
– Messi është tre herë më i lumtur duke luajtur në Inter Miami sesa në Barcelonë. Nuk bëhet fjalë për të hyrë brenda dhe për t’u përqendruar për 90 minuta. Luan kur të dojë, – thotë Kempes për “TNT Sports”.
