Kosova triumfon ndaj Islandës në play-offin e Ligës së Kombeve, fitore 2:1
Kombëtarja e Kosovës ka shënuar një fitore të rëndësishme në ndeshjen e parë të play-offit në Ligën e Kombeve, duke mundur Islandën 2:1 në stadiumin “Fadil Vokrri”. Me këtë fitore, “Dardanët” morën një avantazh të rëndësishëm para ndeshjes së kthimit.
Ndeshja nisi mjaft mirë për Kosovën, kur Lumbardh Dellova kaloi ekipin dardanas në epërsi në minutën e 19-të. Megjithatë, gëzimi i kosovarëve nuk zgjati shumë, pasi Islanda barazoi rezultatin vetëm tri minuta më vonë me një gol të Oskarsson, i asistuar nga Johannesson.
Pjesa e dytë nisi me një iniciativë të fortë nga Kosova, dhe në minutën e 58-të, Elvis Rexhbeçaj shënoi golin e tij të parë me fanellën e Kosovës, duke rikthyer avantazhin për ekipin e drejtuar nga trajneri Alain Giresse. Edhe pse Kosova pati disa mundësi të tjera për të shënuar, rezultati mbeti i pandryshuar deri në fund.
Ndeshja e kthimit do të zhvillohet të dielën dhe do të jetë vendimtare për të përcaktuar se kush do të kalojë në fazën tjetër të Ligës së Kombeve.
