Kryetari i Kuvendit, Afrim Gashi, drejton miratimin e Strategjisë Kombëtare Zhvillimore 2024-2044 për një të ardhme të qëndrueshme të Maqedonisë së Veriut

Në seancën e 17-të të Kuvendit të Republikës së Maqedonisë së Veriut, Kryetari i Kuvendit, Afrim Gashi, udhëhoqi miratimin e Strategjisë Kombëtare Zhvillimore 2024-2044.

Ky dokument i rëndësishëm, i aprovuar me konsensus politik dhe një proces inkluziv, përcakton vizionin për zhvillimin nacional të vendit për dy dekadat e ardhshme. Strategjia fokusohet në tre objektiva të mëdha: forcimin e konkurrencës ekonomike, transparencën e qeverisjes dhe përmirësimin e shërbimeve sociale, shëndetësore dhe arsimore për gjithë qytetarët e Maqedonisë së Veriut.