Kurti i kërkon opozitës dhe Gjykatës Kushtetuese të ndalojnë bllokimin e reformave pozitive

Kryeministri i Kosovës, Albin Kurti, dërgimin nga opozita të ligjeve në Gjykatën Kushtetuese dhe vendimet e asaj gjykate e quajti “bllokim të reformave pozitive” të Qeverisë së tij, njoftoi korrespondenti i MIA-s nga Prishtina.

Duke folur në seancën e sotme të Qeverisë për Ligjin për Fondin Sovran, Kurti përmendi se ky ligj i rëndësishëm ka një vit që është në sirtarët e Gjykatës Kushtetuese.

Ai tha se çdo ditë e humbur është “jashtëzakonisht e vlefshme sepse vendi është i penguar në kohën e ndryshimeve dhe mundësive të mëdha në ekonominë botërore”, ndërsa sipas tij, Kosova po përjeton “rritje më të madhe ekonomike të shoqëruar me progresin më të lartë demokratik. “

“Fondi sovran është i një rëndësie jetike për rritjen ekonomike, rritjen e investimeve dhe pasurimin e strukturës së investimeve.

Shpresojmë që pretendimet e opozitës se Kushtetuta do të refuzojë Ligjin tonë për Fondin Sovran, sipas informacioneve të tyre të brendshme, nuk do të rezultojnë të vërteta.

Ne duam t’i japim fund këtij ngërçi të bllokimit të reformave pozitive dhe progresive, siç ka ndodhur. . .

me ligjin për Këshillin e Pavarur të Prokurorëve dhe ligjin për çmimet tavan të produkteve bazë, ndër të tjera”, tha Kurti në mbledhjen e qeverisë. .