LASHKOSKA: Reduktimi i rreziqeve të fatkeqësive kërkon bashkëpunim të gjerë dhe gjithëpërfshirje

Zëvendësministrja e Mjedisit Jetësor dhe Planifikimit Hapësinor, Ane Lashkoska sot mori pjesë në tryezën e rrumbullakët ministrore me temë: “Rritja e aktiviteteve për zvogëlimin e rrezikut nga zhvillimi i rreziqeve në mjedis”, organizuar në kuadër të Platformës Evropiane për Reduktimin e Rreziqeve nga Fatkeqësitë, që u mbajtë në Budva të Malit të Zi.

Në prani të ministrave dhe shefave të delegacioneve të nivelit të lartë nga rajoni dhe nga Evropa dhe Azia Qendrore, përfaqësues të OKB-së dhe palë të përzgjedhura të interesit, zëvendësministrja Lashkoska prezantoi përpjekjet kombëtare për zvogëlimin e rrezikut nga fatkeqësitë klimatike.

“Një ndër sfidat kryesore me të cilat përballemi është të sigurohemi që reduktimi i rrezikut nga fatkeqësitë, përshtatja klimatike dhe menaxhimi i mjedisit të zbatohen në mënyrë koherente në të gjitha degët e qeverisë. Këto fusha janë të pandashme dhe duhet të rregullohen në përputhje me rrethanat”, theksoi Lashkoska, duke shtuar se nevojiten ligje, rregullore dhe korniza të integruara të politikave që do të bashkojnë sektorë të ndryshëm – mjedis, energji, bujqësi, planifikim urbanистик, infrastrukturë, financa, arsim dhe mbrojtje sociale – nën një vizion të unifikuar dhe gjithëpërfshirës për reduktimin e rrezikut dhe qëndrueshmërinë klimatike të komuniteteve tona.

Ajo theksoi se e konsideron bashkëpunimin rajonal veçanërisht të rëndësishëm, sepse fatkeqësitë nuk njohin kufij dhe aftësia kolektive për të ndarë njohuritë, burimet dhe praktikat më të mira është е njohurisë jetike.

Platforma evropiane për reduktimin e rrezikut nga fatkeqësitë është vlerësuar si mundësi jashtëzakonisht e rëndësishme dhe e mirë për të shkëmbyer njohuri, për të bashkëpunuar dhe koordinuar mbi strategjitë e reduktimit të rrezikut që i tejkalojnë kufijtë kombëtarë.

Tryeza e rrumbullakët u mbyll me miratimin e një deklarate politike që nuk është vetëm një përmbledhje e diskutimeve, por shpreh angazhimin e shteteve ndaj komuniteteve. Ai është një mesazh i fuqishëm për komunitetin global, forcon lidhjet midis Kornizës Sendai dhe Konventave të Rio-s dhe kontribuon në Platformën Globale 2025 për Reduktimin e Rrezikut nga Fatkeqësitë.