Málaga kundërshton regjistrimin e Olmo dhe Viktor: Rregullat duhet të vlejnë njësoj për të gjithë
Málaga është e pakënaqur me lejimin e regjistrimit të Dani Olmo dhe Pau Viktor. Ashtu si më parë Sevilla, edhe ata kanë ngritur zërin kundër regjistrimit të këtyre dy lojtarëve.
Saga përfundoi disa ditë më parë kur Barcelona zyrtarisht shpalli regjistrimin e Olmo dhe Viktor.
“Shprehim pakënaqësinë tonë për vendimin e marrë nga Këshilli i Lartë Sportiv në lidhje me Pau Viktor dhe Dani Olmo, lojtarët e Barcelonës. Në sezonin 2019/20, Málaga e pranoi vendimin dhe nuk kishte mundësi të regjistronte disa lojtarë për shkak të tejkalimit të kufirit të pagave. Rregullat janë të qarta, klubi bëri gabim dhe i respektoi rregullat.
Masat për të korrigjuar situatën nuk ndaluan këtu. Málaga u detyrua të luante dy sezone me maksimumin prej 18 lojtarëve profesionistë të regjistruar dhe të ndiqte një procedurë për reduktimin e numrit të punonjësve sportivë (ERE), që u bë një rast i rëndësishëm në historinë e vendit tonë. Kjo shkaktoi një dëm të madh ekonomik dhe sportiv për klubin.
Vlen të kujtohet se organizata ishte në një gjendje të rëndë financiare, kishte nevojë për një ristrukturim të thellë dhe u përball me një kërcënim serioz të zhdukjes.
Vetëm përpjekjet titanike të klubit dhe mbështetja e palëkundur e tifozëve të Málaga-s e mbajtën ekipin gjallë gjatë një prej periudhave më të vështira të historisë së tij moderne.
Për të gjitha këto arsye, është e pakuptueshme regjistrimi i dy lojtarëve në rrethana të ngjashme. Ky precedent seriozisht kërcënon integritetin e garës. Zbatimi i rreptë i rregullave duhet të jetë i drejtë për të gjithë pjesëmarrësit,” thuhet në deklaratën e Málaga-s.
