Marigona Jashari: Epopeja e UÇK-së mblodhi shpresën dhe vëmendjen e kombit

Në akademinë përkujtimore për 27-vjetorin e Epopesë së UÇK-së, Marigona Jashari, vajza e komandantit legjendar Adem Jashari, theksoi se kjo epope simbolizon shpresën dhe sakrificën për liri. Ajo përkujtoi të rënët dhe rolin e jashtëzakonshëm të grave dhe vajzave shqiptare në luftën për çlirimin e Kosovës.

Në emër të familjes Jashari, Marigona tha se marsi i vitit 1998 vulosi qëndresën e popullit shqiptar, ku gratë dhe vajzat dhanë një kontribut të pazëvendësueshëm. Ajo përmendi Shote Galicën si simbol të guximit femëror dhe vlerësoi sakrificën e të gjitha grave shqiptare ndër vite, duke theksuar rëndësinë e kultivimit të kësaj tradite.