Në këtë qytet evropian është errësirë për 24 orë

ër të ruajtur ndjenjën e normalitetit, shtëpitë, rrugët dhe vendet e punës ndriçohen me drita të forta, dhe shumë njerëz përdorin edhe llamba për terapi me dritë.

Në Longyearbyen, në ishullin norvegjez Svalbard, aktualisht ndodh nata polare. Ky është një fenomen natyror që ndodh në veri të rrethit arktik dhe në jug të rrethit antarktik, ku dielli nuk ngrihet mbi horizontin. Prandaj, është errësirë për 24 orë.

Koha kur dielli nuk ngrihet varet nga vendndodhja gjeografike – në këtë arkipelag norvegjez në Oqeanin Arktik, nata polare zgjat nga fundi i tetorit deri në fillim të shkurtit. Gjatë janarit, nata është në orën nëntë të mëngjesit kur shumica e 1800 banorëve fillojnë punën, në mesditë është errësirë kur hanë drekën dhe pas orës 17:00 kur kthehen në shtëpi. Qielli ndriçohet herë pas here nga dritat e bukura të aurorës polare.

Për të ruajtur ndjenjën e normalitetit, shtëpitë, rrugët dhe vendet e punës ndriçohen me drita të forta, dhe shumë njerëz përdorin edhe llamba për terapi me dritë. Këto imitojnë dritën e diellit, përmirësojnë disponimin, përqendrimin, cilësinë e gjumit dhe energjinë.

Gjatë kësaj periudhe, popullsia lokale merret me aktivitete në natyrë – nga ecja në dëborë deri te ski kros-kanti. Temperatura mesatare e janarit në Longyearbyen është rreth -6 gradë Celsius. Duke qenë se aty nuk rritet asgjë, as në verë dhe as në dimër – të gjitha ushqimet sillen me anije dhe avion dhe janë mjaft të shtrenjta. Për shkak të rrezikut nga sulmet e arinjve polarë, secili duhet të jetë i pajisur me mjetet e duhura për vetëmbrojtje.

Ndryshe, Longyearbyen është qyteti më verior në botë. Ndodhet në ishujt norvegjezë Svalbard dhe ka rreth 2000 banorë, kryesisht norvegjezë dhe rusë.