Një nga sulmuesit më të kërkuar në Europë e la të dashurën: Refuzoi të firmosë një marrëveshje para martesore
Sulmuesi nigerian dhe anëtar i Bayer Leverkusen, Viktor Bonifas, ka ndërprerë lidhjen e tij katërvjeçare me të dashurën e tij nga Norvegjia, Rike Hermine, për shkak të mospajtimeve rreth kushteve të martesës.
Sipas burimeve të afërta me çiftin, pika kryesore e kontestit ka qenë insistimi i Hermines për një martesë ligjore pa një marrëveshje para martesore.
Marrëveshja para martesore është një kontratë ligjërisht detyruese që rregullon pronësinë e pasurive dhe financat në rast të divorcit ose vdekjes.
Raportet sugjerojnë se Bonifas nuk ka dashur të vazhdojë lidhjen pa një marrëveshje të tillë, duke theksuar nevojën për të mbrojtur të ardhmen e tij financiare dhe për të shmangur mundësitë e kurtheve ligjore ose financiare.
Hermine, e cila ka mbështetur Bonifasin gjatë ngritjes së tij në karrierë, thuhet se beson se mospranimi i një marrëveshje para martesore është një shenjë besimi dhe angazhimi.
Megjithatë, çifti nuk ka arritur të gjejë një gjuhë të përbashkët në lidhje me këtë çështje, duke çuar në përfundimin e lidhjes së tyre.
Në vetëm 24 vjeç, Bonifas është bërë një nga sulmuesit më të kërkuar në Europë, pasi sezonin e kaluar udhëhoqi Leverkusen për të fituar titullin në ligën gjermane, dhe këtë sezon po luan në formë të shkëlqyer, duke shënuar tetë gola në 15 ndeshje në të gjitha garat.
Më parë ai ka luajtur për Real Safir, Lefke, Bodo/Glimt dhe Union SG, nga ku kaloi në Gjermani në vitin 2023, dhe aktualisht ka një vlerë prej 45 milionë euro.
