Pasaporta maqedonase është e 45-ta për nga uqia, udhëtohet pa vizë në 127 vende.

Në krye të listës – qytetarët e Francës, Gjermanisë, Italisë, Japonisë, Singaporit dhe Spanjës, mund të gëzojnë qasje pa viza në një numër të jashtëzakonshëm prej 194 destinacionesh në mbarë botën.

Pasaporta maqedonase është e 45-ta për nga fuqia, duke lejuar udhëtimin pa vizë në 127 vende.

Në ndryshimin e madh të renditjes tremujore të pasaportave më të fuqishme në botë, madje gjashtë vende janë të lidhura për vendin e parë për dokumentet më të fuqishme të udhëtimit për vitin 2024.

Qytetarët e Francës, Gjermanisë, Italisë, Japonisë, Singaporit dhe Spanjës mund të gëzojnë qasje pa viza në një numër të pabesueshëm prej 194 destinacionesh në mbarë botën – numri më i lartë i regjistruar që kur “Henley Passport Index” filloi të ndjekë liritë globale të udhëtimit para 19 vitesh. Indeksi është krijuar nga kompania këshillimore me qendër në Londër për shtetësinë globale dhe qëndrimin “Henley”, duke përdorur të dhëna ekskluzive nga Shoqata Ndërkombëtare e Transportit Ajror.

Vendet aziatike, Japonia dhe Singapori, dominonin vendin e parë gjatë pesë viteve të fundit, por pesëshja e re kryesore është një ngjitje triumfuese për Evropën. Finlanda dhe Suedia janë të barabarta me Korenë e Jugut në vendin e dytë – me qasje të lehtë në 193 destinacione – ndërsa Austria, Danimarka, Irlanda dhe Holanda janë në vendin e tretë (me 192 destinacione).

Belgjika, Luksemburgu, Norvegjia, Portugalia dhe Mbretëria e Bashkuar janë në vendin e katërt, ndërsa Greqia, Malta dhe Zvicra janë në vendin e pestë.

Shtetet e Bashkuara të Amerikës dhe Kanadaja janë të barabarta në vendin e shtatë, së bashku me Hungarinë, me qasje pa viza në 188 destinacione.

Maqedonia është e vetme në vendin e 45-të, me qasje pa viza në 127 destinacione. Kjo është një përmirësim nga renditja e vitit të kaluar. Megjithëse vendi mbetet i njëjtë – 45 – numri i destinacioneve është rritur me dy. Pas Maqedonisë janë Mali i Zi, Shqipëria, Bosnja dhe Hercegovina dhe Kosova, ndërsa vetëm Serbia është më lart, në vendin e 37-të, me 138 destinacione. Interesant është fakti që Ukraina është në vendin e 32-të me 148 destinacione.

Emiratet e Bashkuara Arabe mbeten me ngjitjen më të madhe në indeks gjatë dekadës së fundit, duke shtuar 106 destinacione të pabesueshme në vlerësimin e tyre për regjimin pa viza që nga viti 2014, duke fituar pozicionin e 11-të këtë vit.

Afganistani ndodhet në fund të renditjes, me qasje në vetëm 28 vende pa viza. Siria – me qasje pa viza në vetëm 29 destinacione – është e dyta më e ulët në renditje. Iraku ka qasje në 31, ndërsa Pakistani në 34 destinacione.

Indeksi i pasaportave merr në konsideratë pasaportat e 193 vendeve anëtare të Kombeve të Bashkuara dhe gjashtë territore – Tajvani, Makao, Hong Kongu, Kosova, territoret palestineze dhe Vatikani. Territoret e bashkangjitura në vende të tjera janë të përjashtuara.

Pasaportat më të fuqishme në botë për vitin 2024:

1. Franca, Gjermania, Italia, Japonia, Singapori, Spanja (194 destinacione)
2. Finlanda, Koreja e Jugut, Suedia (193 destinacione)
3. Austria, Danimarka, Irlanda, Holanda (192 destinacione)
4. Belgjika, Luksemburgu, Norvegjia, Portugalia, Mbretëria e Bashkuar (191 destinacione)
5. Greqia, Malta, Zvicra (190 destinacione)
6. Çekia, Zelanda e Re, Polonia (189 destinacione)
7. Kanadaja, Hungaria, SHBA (188 destinacione)
8. Estonia, Lituania (187 destinacione)
9. Letonia, Sllovakia, Sllovenia (186 destinacione)
10. Islanda (185 destinacione).