Policia e Kosovës ka mbyllur komunën paralele serbe të Srbicës në veri të Kosovës
Policia e Kosovës ka bastisur sot objektin e komunës paralele të Sërbicës (Skenderaj), e cila gjendet në veri të vendit, e banuar me shumicë serbe, njoftoi korrespondenti i MIA-s nga Prishtina.
Zëvendësdrejtori i Policisë për rajonin verior, Veton Eljsani, ka thënë për media se në koordinim me prokurorin e shtetit është ndërmarrë një aksion për mbylljen e kësaj komune paralele serbe.
“Sot, gjatë kontrolleve policore në terren, kemi kuptuar se komuna paralele e Srbicës është aktive në territorin e Severna Mitrovicës. Jemi konsultuar me prokurorin që ka rastin me komunat paralele në veri dhe në koordinim me të kemi hyrë në këtë objekt dhe po merret me rastin. Ndoshta do të mbyllet”, ka thënë Elshani.
Portali Kosovar në gjuhën serbe KoSSev ka publikuar fotografi nga vendi i ngjarjes, të cilat tregojnë se në objekt janë të pranishëm edhe anëtarë të Misionit të Bashkimit Evropian për Sundimin e Drejtësisë, EULEX.
Një javë më parë u mbyllën edhe katër komuna të tjera paralele serbe që ishin funksionale në veri të Kosovës – Severna Mitrovica, Zveçani, Leposaviqi dhe Zubin Potok.
