“Punoni një ditë pa pagesë”! Qeveria franceze me një propozim të diskutueshëm për të shpëtuar ekonominë”
Buxheti i Francës është nën një presion të tillë sa ligjvënësit po i propozojnë francezëve të punojnë shtatë orë shtesë, e barabartë me një ditë pune, çdo vit pa pagesë për të gjeneruar para shtesë për arkat.
Masa u miratua nga dhoma e lartë e parlamentit të mërkurën, por ende mund të hiqet nga projektligji përfundimtar i buxhetit. Sipas parashikimeve të kabinetit do të sjellë të ardhura shtesë për 2.5 miliardë euro, raporton “Reuters”.
Qeveria e brishtë e koalicionit e kryeministrit Michel Barnier po përpiqet të shtyjë buxhetin e vitit 2025 përmes një parlamenti shumë të fragmentuar. Partia e ekstremit të djathtë Asambleja Kombëtare e Marine Le Pen po kërcënon të rrëzojë qeverinë me një votë mosbesimi.
Amendamenti, i propozuar nga senatori i qendrës së djathtë, Elizabeth Doino, do t’i shihte njerëzit të punojnë shtatë orë shtesë në një moment të caktuar të vitit, për të cilat ata nuk do të paguhen, por për të cilat punëdhënësit e tyre do të duhet të paguajnë kontribute shtesë të sigurimeve shoqërore.
