Radev: Nuk ka nevojë për ndërmjetësim mes Shkupit dhe Sofjes, Maqedonia për të zhvilluar bisedime me Brukselin

Presidenti bullgar Rumen Radev konsideron se nuk ka nevojë për ndërmjetësim në bisedimet mes Shkupit dhe Sofjes për vazhdimin e negociatave të vendit, transmeton BTA.

I pyetur për të komentuar deklaratën e kryeministrit Hristijan Mickoski se është i gatshëm të negociojë me presidentin bullgar, Radev tha se gjithmonë ka qenë i hapur për dialog, por, sipas tij, duhet të bëhet dallim ndërmjet dialogut dhe negociatave.

– Negociatat mes Bullgarisë dhe Maqedonisë përfunduan në korrik 2022, kur të dy vendet nënshkruan protokollin dypalësh për marrëveshjen e fqinjësisë së mirë. Nëse po flasim për dialog, ai duhet të zhvillohet ndërmjet Maqedonisë dhe Komisionit Evropian në bazë të Kornizës së pranuar negociuese për Maqedoninë, e cila është miratuar njëzëri nga të gjitha vendet anëtare të BE-së dhe është pranuar nga Qeveria e Maqedonisë, tha Radev në deklaratën për media bullgare.

Sipas tij, gjërat janë më se të qarta dhe se Maqedonia duhet t’i përmbushë kërkesat e parashtruara nga Bashkimi Evropian dhe Bullgaria, siç tha ai, mund të ndihmojë në atë proces.

– Dhe do ta përsëris përsëri dhe përsëri, ne jemi gati dhe duhet të ndihmojmë. Kjo është përgjegjësia jonë, e kjo është që Maqedonia t’i ndihmojë Maqedonisë t’i përmbushë më shpejt dhe më efektivisht kushtet e shkruara në protokollin dypalësh dhe në kornizën negociuese, në mënyrë që të mund të ecin më me besim në rrugën evropiane, tha nënkryetari bullgar.