Rama për arrestimet e SPAK: Ata që kanë duart e pista fshihen, politika po rinovohet
Kryeministri i Shqipërisë, Edi Rama, duke folur në aktivitetin “Deputeti që duam”, ndër të tjera, iu referua arrestimeve të fundit me urdhër të Prokurorisë së Posaçme kundër Krimit të Organizuar dhe Korrupsionit, SPAK, megjithëse nuk përmendi emra.
Gjatë fjalës së tij Rama tha se sot “politika shqiptare është në një moment delikat, ku një pjesë është e degraduar, ndaj fshihen ata me duar të pista, për t’i hapur rrugën rinovimit”.
Duart e pastra bëjnë një gjë, duart e pista bëjnë një tjetër, duart e hapura bëjnë një gjë, duart e fshehura bëjnë një tjetër. Pra, duhet shumë forcë, shumë fuqi e brendshme për të mos u dorëzuar, sepse politika sot në Shqipëri është në një moment degradimi, siç është edhe një moment transformimi. Është si një trup që ka kaluar në një fazë të caktuar dhe tani po fillon të riformësohet sepse ka një pjesë shumë të degraduar të vetvetes dhe ka një nxitje të brendshme për t’u ripërtërirë. Partia Socialiste ka për detyrë ta shtyjë këtë rinovim. PS është partia më e vjetër dhe më e re në Shqipëri, kjo është arsyeja pse PS fitoi dhe do të fitojë sërish, tha Rama.
Ai shtoi se të jesh një forcë me historinë nuk është dobësi, por një kapacitet shumë i rëndësishëm që mund ta vësh në dispozicion të shtetit.
