Real Madrid konfirmoi: Mbappe është ende i lënduar

Golashënuesi francez u detyrua të largohej në pjesën e parë ndaj Atalantës dhe ndonëse fillimisht u pretendua se ishte vetëm lodhje muskulore, duket se francezi ka pësuar edhe një dëmtim të lehtë në shpinë.

Real Madrid e konfirmoi informacionin në faqen e tij të klubit, por nuk specifikoi se sa kohë do të duhet të pushojë Mbappe.

Megjithatë, disa media spanjolle duke iu referuar burimeve pranë klubit pohojnë se sulmuesi do të jetë jashtë fushës për dhjetë ditë. Kjo do të thotë se Mbappe do të humbasë vizitën në Rayo Vallecano në fundjavë si dhe Kupën Ndërkontinentale javën e ardhshme.

Synimi i Mbappes është të jetë gati për ndeshjen kundër Sevillas, e cila është planifikuar për 22 dhjetor. Këtë sezon, Mbappe shënoi 12 gola dhe regjistroi dy asistime në 22 ndeshje në të gjitha garat.