Rezoluta e Asamblesë Parlamentare të NATO-s: Integrimi urgjent i Ukrainës në Aleancë

Anëtarët e Aleancës së Atlantikut të Veriut duhet të përshpejtojnë procedurën që Ukraina të bëhet anëtare e plotë e NATO-s sa më shpejt të jetë e mundur, thuhet në rezolutën e miratuar në seancën plenare të Asamblesë Parlamentare të NATO-s.

Asambleja u bën thirrje qeverive dhe parlamenteve të anëtarëve të Aleancës që të intensifikojnë përpjekjet politike dhe praktike që Ukraina të marrë një ftesë dhe të bëhet anëtarja e 33-të e NATO-s sa më shpejt të jetë e mundur”, thuhet në rezolutë, transmeton Ukrinform.

Rezoluta bën thirrje për një rritje të mbështetjes ushtarake, financiare dhe humanitare për Ukrainën, si dhe një furnizim në kohë me municione dhe sisteme moderne të armëve.

Asambleja rekomandon gjithashtu forcimin e sanksioneve kundër Rusisë dhe Koresë së Veriut dhe sigurimin e Ukrainës me raketa me rreze të mesme veprimi për mbrojtje dhe parandalim nga agresioni i mëtejshëm.

Këtë vit Asambleja Parlamentare e NATO-s po mbahet në Montreal të Kanadasë.