Rriten pagat, po rriten edhe shpenzimet – Për një vit jeta kushton 13.000 denarë

Paga mesatare në shtator është rritur me 10 për qind krahasuar me të njëjtin muaj të vitit të kaluar. Enti Shtetëror i Statistikave ka llogaritur se punëtorët marrin mesatarisht 41.585 denarë paga ose 3.700 denarë më shumë se në shtator 2023.

Megjithatë, këto paga nuk mjaftojnë për të mbuluar shpenzimet minimale mujore. Nëse shporta sindikale në shtator të vitit të kaluar ishte pak më shumë se 48.000 denarë, këtë shtator është rritur për gati 13.000 denarë dhe i kalon 61 mijë denarë. Ndërsa kostoja e jetesës po rritet nga muaji në muaj, shumica e të punësuarve marrin paga shumë nën mesataren, sipas Sindikatës. Prandaj kërkojnë rritje të menjëhershme të pagave

– Kemi ende teknikë dhe inxhinierë që fitojnë shumë më poshtë se paga mesatare dhe paga mesatare nuk është ajo mesatare që është reale në vend dhe që marrin shumica e punonjësve. Prandaj është e nevojshme që një herë e përgjithmonë të bëhet një prerje tërthore për të parë se sa janë realisht pagat në sektorin privat, tha Ivan Peshevski, SSM.

Ndryshe, sipas statistikave, punëtorët më të paguar janë programuesit. Të ardhurat e tyre mujore i kalojnë 1500 euro. Më pas, me rreth 60 mijë paga, janë punonjësit në aviacion, farmaci, financë dhe veprimtari kërkimore-shkencore. Paga më të ulëta, nën 30.000 denarë, kanë punëtorët në prodhimin e lëkurës dhe tekstilit.