Rumania ofron “pushim tatimor” për fitimet nga kriptovalutat
Ministria e Financave e Bullgarisë ka propozuar një amnisti tatimore për të ardhurat e paregjistruara për vitin 2024, gjë që ka shkaktuar një valë kritikash, ndërsa Rumania tashmë ka vendosur t’u ofrojë “pushim tatimor” kriptovalutave fitimprurëse – pra fitimi nga këto asete nuk do të tatohet për një periudhë të caktuar (deri në mesin e vitit 2025).
Ky veprim është veçanërisht befasues në një kohë kur qeveria e re ka njoftuar shkurtime në shumë përfitime, rritje të taksave dhe ngrirje të pagave dhe pensioneve në sektorin publik, në përpjekje për të filluar uljen e deficitit të madh buxhetor, shkruan “Segabg”.
Sipas ndryshimit të ligjit, tashmë të miratuar nga parlamenti rumun, “personat fizikë përjashtohen nga tatimi mbi fitimin e marrë nga diferenca midis fitimeve nga investimet në monedhat virtuale, të fituara për rishitje dhe të ardhurave të realizuara dhe të fituara në monedhat virtuale deri më 31 korrik 2025.”
Vlerësimet janë se përjashtimi nga taksat do të inkurajojë pronarët e kriptovalutave të shpallin të ardhurat e tyre. Ukraina, Turqia dhe Rusia janë tre vendet kryesore në Evropë për investime në monedhat virtuale. Në nivel global, SHBA dhe Ukraina renditen në vendin e katërt dhe të pestë, ndërsa Azia Qendrore dhe Jugore është rajoni ku interesi për kriptovalutat është më i lartë.
