Serbia e tërhoqi menjëherë ilaçin kundër dhimbjeve: Një ilaç me të njëjtin emër përdoret masivisht edhe në Maqedoni

Agjencia për Barna dhe Pajisje Mjekësore të Serbisë bën të ditur se bari Diclofen i prodhuar nga Galenika a.d. Beogradi, tërhiqet menjëherë nga shitja. Ilaçi, i cili përdoret për të lehtësuar dhimbjen dhe inflamacionin, është tërhequr për shkak të pamjaftueshmërisë së identifikuar të cilësisë që mund të përbëjë rrezik për shëndetin e pacientëve.

Agjencia thekson se “nuk është vërtetuar asnjë rrezik për shëndetin e njeriut”, por se produkti nuk përputhet plotësisht me specifikimet e përshkruara. Gjatë testeve të rregullta të stabilitetit të kryera nga prodhuesi, u zbulua se parametri i papastërtisë ishte pak mbi kufirin e lejuar.

Gjithashtu, nuk ka asnjë reagim të padëshiruar të raportuar në lidhje me këtë pamjaftueshmëri. Pacientët në Serbi do të vazhdojnë të kenë qasje në barna të tjera me të njëjtën substancë aktive, nga prodhues të tjerë, që do të thotë se tërheqja nuk do të ndikojë në disponueshmërinë e terapisë së rregullt.