SHTETI EVROPIAN QË PO THYEN REKORDET NË JETËGJATËSI: Ja çfarë bëjnë banorët e tij krejt ndryshe
Njerëzit në Monako jetojnë mesatarisht gati 90 vjet. Pse?
Monako është një shtet shumë i vogël – vetëm Vatikani është më i vogël. Ky principatë është e njohur për pasurinë e saj, por edhe për verat e thata dhe të nxehta dhe dimrat e butë. Klima nuk është i vetmi faktor që ndikon në jetëgjatësinë e banorëve, e cila mesatarisht arrin në 89 vjet. Pse banorët e Monakos jetojnë më gjatë se maqedonasit dhe përfaqësuesit e kombeve të tjera evropiane?
Monako është një vend me njerëz të lumtur që jetojnë me standarde të larta. Edhe pse ende asnjë ekspert nuk ka zhvilluar një recetë për jetëgjatësinë, kushtet që mbizotërojnë në këtë shtet janë të favorshme për arritjen e moshës 100 vjeç. Këto janë faktorët që kontribuojnë në jetëgjatësinë e banorëve të Monakos:
Dieta Mesdhetare
Banorët e Monakos ushqehen shëndetshëm, dhe menyja e tyre bazohet në perime të freskëta, fruta dhe produkte sezonale. Dieta e tyre përfshin:
- peshk
- produkte nga drithërat e plota
- arra
- ushqime deti
- bishtajore
Dieta mesdhetare ofron të gjitha lëndët ushqyese të nevojshme për promovimin e shëndetit dhe përjashton konsumin e produkteve të përpunuara, të yndyrshme apo të ëmbla që kanë efekt negativ në trup.
Pasuria
Një shprehje e njohur thotë se lumturia nuk blihet me para. Edhe pse ka shumë të vërteta në këtë, njerëzit me të ardhura më të larta mund të përballojnë ushqime cilësore dhe nuk duhet të shqetësohen për pagesën e huave apo për pagën e ardhshme. Banorët e Monakos janë me të vërtetë të pasur – gati një e treta e popullsisë së shtetit përbëhet nga milionerë.
Qasje në kujdesin shëndetësor
Shëndetësia në Monako është në nivel të lartë. Kujdesi mjekësor është falas për qytetarët pasi financohet nga shteti. Kontrollimet parandaluese gjithashtu luajnë një rol të rëndësishëm pasi ndihmojnë në zbulimin e sëmundjeve në fazën e hershme.
Nivel i lartë sigurie
Autoritetet e Monakos kujdesen për qytetarët e tyre. Banorët mund të ndihen të sigurt gjatë gjithë kohës, falë pranisë së policisë në rrugë.
Stili i jetesës së shëndetshme
Banorët e Monakos jo vetëm që ushqehen mirë, por gjithashtu mbajnë një stil jetese aktiv. Aktiviteti fizik është i rëndësishëm për ta dhe madje edhe të moshuarit qëndrojnë aktivë dhe në formë.
Jetë sociale e pasur
Jetesa në komunitet është një pjesë e përditshme për banorët e Monakos. Ata nuk shmangin mbledhjet sociale dhe kjo ndihmon në mbajtjen e shëndetit mendor dhe mbrojtjen nga depresioni.
