STRUGA TRIM LUM: Pas tre fitoreve të njëpasnjëshme, sot në transfertën kundër AP Brera barazuam me shifrat 1:1
Dy gola të shënuar brenda dy minutave, nga një në secilën anë dolën të jenë vendimtarë në takimin e sotëm në Strumicë që u mbyllë me shifrat 1:1….
Pas tre fitoreve të njëpasnjëshme, sot në transfertën kundër AP Brera barazuam me shifrat 1:1. Ishte ky barazimi i 5-të këtë edicion për skuadrën tonë dhe në përgjithësi i 6-ti në ndeshjet ndaj AP Brera, ndaj së cilës skuadër numërojmë edhe 5 fitore.
Skuadra që fiton, nuk ndryshon, ashtu që trajneri Osmani edhe sot kundër AP Brera doli me të njëjtin formacion që fitonte në tre ndeshjet paraprake. Megjithatë sot dështuam të marrim tre pikët e plota, pavarësisht se ishim kundërshtarë shumë më i mirë.
Struga Trim Lum u kanos që në fillim të takimit, kur pas një gabimi të mbrojtësit vendas Ruatubaje, sulmuesi nigerian Kehinde doli i vetmuar para portierit kundërshtarë, mirëpo goditja e tij ishte shumë e plogzhët, ashtu që nuk solli ndonjë rrezik të madh për portierin vendas Dikovski.
Rastin më të mirë gjatë pjesës së parë e regjistrojmë në minutën e 23-të, kur Stefan Jevtoski goditi nga një kënd i vdekur pas ekzekutimit të rivënies nga këndi, mirëpo Dikovski me një super intervenim në ato momente na mohoi golin.
Deri në fund të pjesës së parë, në dy raste tentoi të shënojë edhe tefan Spirovski, mirëpo që të dyja tentativat e tij përfunduan skaj shtyllës.
Edhe pjesa e dytë nisi me një rast të qindtpërqindtë për skuadrën tonë. Pas një aksioni të bukur ekipor, Kehinde pranoi një top në zonën kundërshtare, mirëpo nuk reagoi aq mirë, duke e huçur golin.
Në anën tjetër, AP Brera në rastin e parë konkret para portës tonë në minutën e 59-të, arriti që të shënojë, falë solo-aksionit të Dime Todorovski.
Megjithatë gëzimi i vendasve nuk zgjati shumë, pasi neve reaguam shumë shpejtë, që në aksionin e rradhës, kur shënuam me anë të Hogan Ukpa, i cili nuk fali dhe nga brendia e zonës shënoi me të majtën e tij për rezultat 1:1.
Pas këtyre dy golave të shpejtë, pasoi një periudhë e qetë e lojës, ku kryesisht luhej në mes të fushës, me shumë ndërperje dhe gabime nga të dyja anët.
Kah fundi i takimit sërish ishim ne ata që dominuam në fushë, duke kërkuar edhe golin e fitores, mirëpo që nuk erdhi, pavarësisht disa rasteve që krijuam para portës së vendasve.
Fare në fund të takimit, Ukpa mund të merrte epitetin e heroit të vërtetë, mirëpo në dy tentative të njëpasnjëshme, i njëjti nuk arriti që të mposhtë portierin vendas Dikovski.
Kështu në fund nga Strumica rikthehemi me vetëm një pikë, që na mban sërish në pozitën e 5-të.
________________________________________________________________________________________________________________
LIGA E PARË E MAQEDONISË, Java 15
AP BRERA – STRUGA TRIM LUM 1:1
Autorë të golave: D. Todorovski 59’ (AP Brera) – H. Ukpa 60’ (Struga Trim Lum)
Stadiumi: “Bllagoja Istatov” – Strumicë
Shikues: 1000
Arbitër kryesor: Aleksandar Grujoski
Kartonë të verdhë: Kauan, A. Velkov, I. Olaosebikan, J. Beccera, D. Dikovski (AP Brera) – B. Compaore, H. Ukpa, L. Kehinde (Struga Trim Lum)
FORMACIONET:
AP BRERA: D. Dikovski, J. Becerra, Ruatubaje, Kauan, R. Mato, I. Olaosebikan, A. Velkov, D. Todorovski, M. Stojilevski, D. Ivkoviç, M. Gjorgievski;
Trajner: G. Mihajllov;
STRUGA TRIM LUM: V. Qoshevski, B. Ilievski, A. Kasami, B. Krivanjeva, N. Vlajkoviç, S. Jevtoski (H,. Maleski 73’), S. Spirovski, Sh. Zenku, H. Ukpa, B. Compaore (M. Radeski 61’), L. Kehinde;
Trajner: Q. Osmani;
