Studentët e Universitetit të Tetovës morën pjesë në Konferencën e Dytë Rajonale në Mavrovë
Studentët e Universitetit të Tetovës morën pjesë në Konferencën e Dytë Rajonale në Mavrovë
Studentët e programit studimor Biologji të Fakultetit të Shkencave Matematike – Natyrore në Universitetin e Tetovës, më 14 dhe 15 nëntor 2024, morën pjesë në Konferencën dyditore Rajonale për Përdorimin e Qëndrueshëm të Burimeve Natyrore në rajonet Sharr, Korab Koritnik, dhe Alpet Shqiptare.
Në këtë konferencë që u mbajt në Mavrovë, ishin mbi 100 pjesëmarrës nga sektori civil, biznese lokale, ekspertë dhe përfaqësues institucionesh nga Maqedonia e Veriut, Shqipëria dhe Kosova.
Kjo veprimtari e rëndësishme, u organizua nga CNVP Maqedoni e Veriut me mbështetje financiare nga PONT. Konferenca e sipërpërmendur iu dedikua avancimit të qëndrueshëm të turizmit dhe mbrojtjes së biodiversitetit në Sharr, Korab-Koritnik, dhe Alpet Shqiptare.
Studentët tanë të udhëhequr nga profesorët: Doc. Dr. Besnik Rexhepi, Prof. Dr. Mije Reçi, Doc. Dr. Sheval Memishi, Doc. Dr. Lulzana Shabani dhe Mr. Sc. Ajtene Rushiti gjatë dy ditëve të konferencës zhvilluan diskutime në lidhje me temën dhe patën mundësi të dëgjojnë prezantime shkencore nga ekspertë të biodiversitetit, si dhe histori suksesi nga bizneset lokale dhe organizatat e shoqërisë civile nga vendi dhe rajoni.
