Tetovë, tubim fetar me moton “Ramazani ftesë për jetë”
Më 8 mars 2025, në Pallatin e Kulturës në Tetovë u mbajt tubimi fetar me moton “Ramazani ftesë për jetë”, i organizuar nga udhëheqësia e qendrës së hivzit “Molla Mahmud Asllani”, nën drejtimin e Abdurahman ef. Asllanit.
Myftiu i Tetovës, Dr. Hfz. Selver Xhemaili, përshëndeti të pranishmit, duke u uruar suksese dhe çaste të këndshme në këtë aktivitet. Ligjërues i kësaj tribune ishte teologu nga Shqipëria Vladimir ef. Kera.
Për këndimet e Kuranit dhe ilahive u kujdesën Migdad Ahmed dhe Venhar Osmani, ndërsa programi u moderua nga Muhamed Shabani.
