UEJL dhe Fondacioni Maarif Diskutojnë Mundësitë për Bashkëpunim
Sot, në Universitetin e Evropës Juglindore (UEJL), u zhvillua një takim midis Rektorit të UEJL-së, Akad. Prof. Dr. Abdylmenaf Bexheti dhe përfaqësuesit të Fondacionit Maarif në Maqedoninë e Veriut, z. Osman Demirgyl, i shoqëruar nga përfaqësues të Shkollës Ndërkombëtare “Maarif” në Tetovë.
Në fokus të takimit ishte zhvillimi i mundësive të reja për bashkëpunim ndërmjet dy institucioneve, duke përfshirë projekte konkrete që synojnë përmirësimin e arsimit dhe shkëmbimin akademik.
UEJL mbetet i përkushtuar për të avancuar cilësinë në arsim përmes partneriteteve me institucione të njohura ndërkombëtare dhe vendore.
