Varfëria: Pothuajse çdo i katërti qytetar në Maqedoni është i varfër
Sipas të dhënave, në vitin 2021, shkalla e të varfërve në Republikën e Maqedonisë së Veriut është 23.0%.
Enti Shtetëror i Statistikave, bazuar në të dhënat nga Anketa e të Ardhurave dhe Kushtet e Jetesës, e cila është kryer në përputhje me rekomandimet e Bashkimit Evropian, ka llogaritur treguesit e varfërisë në Laeken në vitin 2021. Baza për llogaritjen e varfërisë janë të ardhurat, dhe pragu i varfërisë përcaktohet në 60% të të ardhurave ekuivalente mesatare.
Sipas të dhënave, në vitin 2021, shkalla e të varfërve në Republikën e Maqedonisë së Veriut është 23.0%.
E analizuar sipas llojit të familjeve, shkalla e varfërisë e familjeve të përbëra nga dy të rritur me dy fëmijë në ngarkim në vitin 2021 është 26.4%. Sipas statusit më të shpeshtë të aktivitetit ekonomik, shkalla e të punësuarve të varfër është 8,9%, ndërsa shkalla e pensionistëve të varfër është 8,1%. Koeficienti Gini (një masë e pabarazisë në shpërndarjen e të ardhurave) është 30.3%.
