VIDEO: Asus sfidon Samsung me funksione të fuqishme të AI në telefonin e saj më të ri
Kompania Asus ka prezantuar telefonin e saj më të ri – Zenfone 12 Ultra.
Zenfone 12 Ultra është telefoni më i ri nga Asus dhe ka teknologji të avancuar për inteligjencë artificiale. Ato përfshijnë funksione si konvertimi i të folurit në tekst, përkthimi në kohë reale gjatë thirrjeve dhe përmbledhja e tekstit.
Asus Zenfone 12 Ultra përdor një procesor të fuqishëm Snapdragon 8 Elite, në kombinim me deri në 16 GB RAM LPDDR5X dhe deri në 512 GB hapësirë ruajtjeje UFS 4.0.
Ekrani 6,78 inç është OLED dhe mbështet një ritëm rifreskimi 120 Hz, me mundësi 144 Hz për disa lojëra. I gjithë sistemi furnizohet me një batari 5.500 mAh, me mbështetje për karikim të shpejtë 65W dhe karikim pa tel 15W.
Sa i përket kamerave, Zenfone 12 Ultra ka një sensor kryesor 50 MP në pjesën e pasme, si dhe një kamerë telefoto 32 MP dhe një sensor ultra të gjerë 13 MP. Në pjesën e përparme ka një kamerë selfie 32 MP. Me mbështetje për inteligjencën artificiale, fotot dhe videot ofrojnë cilësi më të mirë, ndërsa zëri në video është më i qartë.
Zenfone 12 Ultra është një nga telefonat e fundit premium që ofron një prizë 3,5 mm për kufje, dhe ka gjithashtu teknologjinë Dirac Virtuo for Headphones.
Asus Zenfone 12 Ultra është në dispozicion në ngjyrat Sage Green, Ebony Black dhe Sakura White, me një çmim prej 1.100 euro në Evropë.
