VIDEO: Braziliani i famshëm me një shishe lëkundet në rrugë, fansat të shqetësuar për problemin e tij me alkoolin
Futbollisti legjendar brazilian Adriano shqetësoi fansat pasi pamjet e reja u shfaqën në rrjetet sociale që e tregonin atë duke u penguar i dehur në rrugë.
Adriano fitoi famë duke luajtur për Interin dhe Flamengon, si dhe për kombëtaren braziliane, për të cilën luajti 48 ndeshje. Ai doli në pension në vitin 2016 në moshën 34-vjeçare pasi fitoi 14 trofe të mëdhenj në karrierën e tij, duke përfshirë katër tituj kampion italian me Interin.
Ndonëse pati një karrierë të suksesshme, ish-sulmuesi nuk i përmbushi pritshmëritë e mëdha që i ishin vendosur. Kur ai debutoi për Brazilin në moshën 18-vjeçare, u quajt pasardhësi i Ronaldos, por jeta e tij mori një kthesë të keqe pas vdekjes së babait të tij. Që atëherë, ai ra në depresion dhe luftoi me alkoolin. Në vitin 2018, ai zbuloi në një intervistë se Interi fshehu të vërtetën nga mediat dhe tha se ishte një dëmtim, ndërsa në fakt ishte dehje.
