Vinicius Junior bëri një test të ADN-së: Ai zbuloi se nga erdhën paraardhësit e tij

Ndeshja e mbrëmshme kundër Uruguait përkoi me një festë për nder të brazilianëve me rrënjë afrikane dhe Shoqata e Futbollit të Brazilit nisi një fushatë që synon të ndihmojë lojtarët ndërkombëtarë të eksplorojnë origjinën e tyre.

Presidenti i Federatës Braziliane të Futbollit, Ednaldo Rodríguez, i dorëzoi babait të Vinicius një certifikatë si konfirmim se ata vijnë nga Kameruni, konkretisht nga populli Tikar.

“Edhe pse nuk e dija, tani jam i lumtur kur e shoh këtë”, tha Vinicius.

Është e rëndësishme të dini se nga vini. Në fakt, brazilianët në përgjithësi nuk e dinë se nga vijnë paraardhësit e tyre”, shtoi babai i Vinicius.

Ndryshe, Vinicius ka qenë shumë herë në qendër të vëmendjes pasi ka qenë cak i thirrjeve raciste nga tribunat në Spanjë.

“Ne jemi të nderuar që kemi zbuluar rrënjët afrikane të Vinicius dhe familjes së tij. “Ne besojmë se lidhja e tij me rrënjët e tij afrikane do të jetë një akt i fuqishëm rezistence, në përputhje me angazhimin e tij për drejtësinë sociale brenda dhe jashtë fushës,” tha menaxheri i projektit Africanancestry.com Dr. Gina Page.