VMRO-DPMNE: Me vendosjen e Artan Grubit dhe Enver Bexhetit në listën e zezë, u vërtetua partizimi i shtetit nga ana e BDI-së
Nga VMRO-DPMNE për listën e zezë të SHBA-së theksuan se u vërtetua partizimi i shtetit nga ana e BDI-së.
„Me vendosjen e Artan Grubit në listën e zezë të SHBA-së, së bashku me gjyqtarin Enver Bezheti, u vërtetua partizimi i shtetit nga ana e BDI-së. Enver Bexheti, gjyqtari që mbajti çështjen për Mijalkovin në dollap, e tregon partizimin e sistemit gjyqësor. Gjyqtarët që mbështeten nga Artan Grubi dhe BDI, ngadalë po përfundojnë në listën e zezë të SHBA-së, së bashku me anëtarët e BDI-së. Artan Grubi dhe Enver Bezheti, si dhe anëtarë të tjerë të BDI-së që janë në listën e zezë të SHBA-së, janë turp për shtetin“, thuhet në deklaratën e VMRO-DPMNE-së.
Nga partia dërguan një pyetje për BDI-në, nëse do të distancohet nga Artan Grubi, ndërsa për LDSM-në, nëse do ta mbështesë vendimin për listën e zezë.
„A do të distancohet drejtuesi i BDI-së nga Artan Grubi? A do ta përshëndesë LDSM-ja publikisht vendimin e Departamentit të Shtetit për Grubin që të jetë në listën e zezë amerikane? A e mendojnë ende në LDSM dhe BDI se përpjekjet e Qeverisë të udhëhequr nga VMRO-DPMNE për luftën kundër korrupsionit në gjyqësi është një presion mbi gjyqësorin? Ali Ahmeti, si është? A do të vazhdojë të bëhet patriot i shqetësuar për shqiptarët, apo do të shohë në fytyrë të vërtetën që BDI është shumë e kriminalizuar? Pas (Ramiz) Merkos, tani edhe Grubi, BDI ka dy funksionarë aktualë në listën e zezë të SHBA-së. A do ta ngrejë dikush pyetjen në BDI deri kur kështu? Apo do të vazhdojnë të jenë si deri tani?“, pyetën nga VMRO-DPMNE.
Artan Grubi, i cili ishte zv/kryeministër në qeveritë e SDSM-së dhe gjyqtari Enver Bezheti janë vendosur në „listën e zezë“ të SHBA-së për shkak të përfshirjes në korrupsion të konsiderueshëm, konkretisht për marrje ryshfeti në lidhje me proceset gjyqësore të lidhura me ish-drejtorin e Agjencisë për Siguri dhe Kundërzbulim (UBK), Sasho Mijalkov.
„Sipas nenit 7031(v), Departamenti i Shtetit publikisht i përcakton Artan Grubin dhe Enver Bexhetin për përfshirjen e tyre në korrupsion të konsiderueshëm përmes marrjes së ryshfetit për të manipuluar proceset gjyqësore të lidhura me dënimin penal të Sasho Mijalkovit, ish-drejtor i Agjencisë për Siguri dhe Kundërzbulim të Maqedonisë së Veriut. Mijalkov u vendos në listën e zezë në vitin 2022 për korrupsion të konsiderueshëm sipas nenit 7031(v), ndërsa OFAC (Zyra e Kontrollit të Aseteve të Huaja) e sanksionoi atë sipas E.O. 14033“.
Në lidhje me sanksionimin e tyre, ambasadorja amerikane në vend, Angela Ageler, në një postim në rrjetet sociale, mes të tjerash, theksoi se ndërhyrjet politike në sistemin gjyqësor nuk mund dhe nuk do të tolerohen.
