Zelenski: Nuk pranojmë marrëveshje për Ukrainën pa Ukrainën
Presidenti ukrainas, Volodimir Zelenski, ka deklaruar se Ukraina nuk do të marrë pjesë në bisedimet ruso-amerikane këtë javë për përfundimin e luftës dhe nuk do ta pranojë rezultatin e tyre nëse Ukraina nuk merr pjesë.
Duke folur me gazetarët përmes një lidhjeje konferenciale nga Emiratet e Bashkuara Arabe, Zelenski tha se qeveria e tij nuk është ftuar në bisedimet e planifikuara për të martën në Arabinë Saudite. Ai theksoi se ato “nuk do të japin rezultate”, për shkak të mungesës së zyrtarëve ukrainas.
“Ukraina i konsideron të gjitha negociatat për Ukrainën pa Ukrainën si bisedime pa rezultat dhe ne nuk mund të pranojmë asnjë marrëveshje për ne, pa ne”, tha Zelenski.
