Zëvendëskryeministri serb Vulin: Spiunët rusë ndihmuan për t’u përballur me protestat
Zëvendëskryeministri serb Aleksandar Vulin deklaroi se shërbimet ruse të spiunazhit ndihmuan autoritetet në Beograd për të përballuar protestat kundër qeverisë që kanë vazhduar për disa muaj. Kjo deklaratë u bë si përgjigje ndaj kritikave për varësinë e qeverisë serbe nga Moska.
Protestat, të cilat filluan në nëntorin e vitit të kaluar, udhëhiqen nga nxënës, mësues dhe fermerë, si reagim ndaj një skandali korrupsioni të lidhur me shembjen e çatisë së një stacioni hekurudhor në Novi Sad, ku humbën jetën 16 persona.
Vulin shprehu mirënjohjen e tij për shërbimet speciale ruse për mbështetjen e tyre, duke thënë se ata ndihmojnë me informacione për të parandaluar “revolucionet me ngjyra”.
Kritikët në Serbi kanë theksuar se kjo deklaratë tregon edhe një herë se sa e rëndësishme është mbështetja ruse për regjimin e Vuçiç.
