Likovë – Nexhmedin Sadiku, së bashku me Zëvendëskryeministrin Arben Fetai dhe kandidatët për këshilltarë në Komunën e Likovës, vizituan sot fshatin Opajë, në konakun e nderuar të Jetulla Qerimit, vëllait të ish-ushtarit të UÇK-së Rexhail Qerimi, i cili u burgos padrejtësisht dhe vdiq pa iu njohur pafajësia.
Gjatë takimit me banorët, u diskutua për nevojat dhe sfidat e fshatit, duke theksuar rëndësinë e investimeve në infrastrukturë, përmirësimin e shërbimeve publike dhe krijimin e kushteve më të mira për jetën e qytetarëve.
“Në çdo fshat e në çdo cep të Likovës po ndihet fryma për një Likovë të re, të pastër, me ujë të pijshëm, të zhvilluar e krenare,” u shpreh Sadiku.
