Shitet një ishull në Skoci: Më i lirë se një apartament mesatar në Londër

Ishulli Eilean Mòr shtrihet në 30 hektarë në bregun perëndimor të Skocisë. Kohët e fundit, është vënë në shitje me një çmim prej 643,000 euro. Ishulli i izoluar skocez Eilean Mòr është një vend i qetë, i vendosur brenda Loch Sunart dhe konsiderohet një parajsë për dashamirët e zogjve dhe të kafshëve të egra. Dominon nga kodrat e gjelbërta dhe është i rrethuar nga një det kristalor. Të gjitha këto përparësi e bëjnë atë ideal për njerëzit që kërkojnë të largohen nga jeta e vrullshme e qytetit, raporton RTS.

Çmimi i ishullit është befasues, më i ulët se çmimi i një apartamenti mesatar në Londër. Ai ka tre plazhe, gjë që e bën një vend ideal për pushime. Në ishull mund të arrish vetëm me anije ose nëpër një shteg kur është baticë e ulët, dhe ishulli është pjesë e Sunart-it, një vend i veçantë me interes shkencor dhe është i përfshirë në zonat e mbrojtura.

Prej një mijë vitesh, ishulli ka një histori të pasur udhëtimesh hermetike. Disa kilometra larg ishullit gjendet një fshat i vogël Strontian, i vendosur në liqenin Loch Sunart, i rrethuar nga pyje të lashta. Udhëtarët kanë në dispozicion shtigje për ecje, duke përfshirë edhe bregun ku mund të shihen lundërza dhe shqiponja detare.

Qyteti Fort William është rreth 25 kilometra larg dhe ofron aktivitete dhe atraksione të shumta. Qyteti ndodhet në male dhe është i njohur si hyrja për në Ben Nevis, maja më e lartë në Mbretërinë e Bashkuar, dhe lugina Glen Nevis.

Në afërsi është dhe vendpushimi malor Nevis Range, me pistat e skive. Në verilindje të ishullit ndodhet dhe distileria e prodhimit të uiskit Ben Nevis.

Eilean Mòr ka një histori misterioze; ishulli ishte në qendër të një ngjarjeje të pashpjegueshme në vitin 1900, kur tre anëtarë të ekuipazhit që punonin në farën e ishullit u zhdukën pa gjurmë. Misteri filloi kur kapiteni James Harvey dhe zëvendës-rojtari i farës Joseph Moore arritën në ishull, por askush nuk i priti, gjë që i çuditi.

Moore u afrua bregut dhe raportoi se ndjente një parehati ndërsa ngjitej nëpër shkëmbinj. Kur arriti te feneri, zbuloi se dyert ishin të hapura, dy nga tre mantot mungonin dhe në kuzhinë gjeti ushqim të gjysmëngrënë. Pavarësisht hetimit të udhëhequr nga Robert Muirhead, drejtuesi i bordit të fenerëve të veriut, njerëzit kurrë nuk u gjetën.