MILANO, 10 shkurt 2026 – Fundjava që vjen sjell një nga përballjet më emocionuese të Serie A, jo vetëm për renditjen, por edhe për familjen Thuram. Derbi i Italisë midis Interit dhe Juventusit do të vërë përballë dy vëllezërit, Marcus dhe Khephren.
“Flasim përditë, por jo për futbollin”
Mesfushori i Juventusit, Khephren Thuram, i cili tashmë është shndërruar në një pikë kyçe për ekipin e tij, ka zbuluar se pavarësisht rivalitetit në fushë, marrëdhënia me vëllain e tij mbetet e ngushtë, por larg bisedave taktike.
“Flasim çdo ditë, por kurrë për ndeshjet. Kur ishim fëmijë ëndërronim të luanim bashkë, por tani shpresa e vetme për të qenë në një skuadër është te kombëtarja e Francës,” u shpreh ai.
Kë do të mbështesë babai, Lilian Thuram?
I pranishëm në shkallët e “San Siros” do të jetë edhe legjenda e futbollit, Lilian Thuram. Ndonëse babai i tyre është përpjekur të qëndrojë neutral, Khephren bëri shaka duke thënë se mund të ketë një avantazh të vogël: “Besoj se do të mbështesë mua, sepse jam më i riu i familjes.”
Detajet e ndeshjes:
-
Sfida: Inter vs. Juventus
-
Data: E shtunë, 14 shkurt 2026
-
Ora: 20:45
-
Vendi: Stadiumi “San Siro”, Milano
